Լոռու մարզում շոգեքարշը որդու աչքի առաջ անցել է մոր վրայով՝ երկու մասի բաժանելով նրա մարմինը

Այսօր՝ հուլիսի 2-ին ժամը 15.15-ին Ալավերդու բժշկական կենտրոնից հայտնել են Ոստիկանության Թումանյանի բաժին, որ շտապ բուժօգնության բրիգադը կանչով մեկնել է Ալավերդի քաղաքի Թումանյան փողոց, որտեղ երկաթգծի վրա հայտնաբերել են մահացած կնոջ մարմին:

Ինչպես հայտնում է ֆոտոլրագրող Գագիկ Շամշյանը, նշված հասցե է մեկնել Ոստիկանության Թումանյանի բաժնի օպերատիվ-քննչական խումբը ՝ Թումանյանի ոստիկանության պետ Արթուր Հարությունյանի գլխավորությամբ: Պարզվել է, որ մահացածը Լոռու մարզի Մեծ Այրում գյուղի բնակիչ 49-ամյա Նելլի Աբրամովան էր, ով անցնելիս է եղել Թումանյան փողոցի վրա գտնվող «Լաչինի միջանցք» կոչվող տարածքին հարակից երկաթգծի վրայով՝ հետիոտների համար չնախատեսված հատվածով:

Գ. Շամշյանը հայտնում է, որ իրեն հայտնի է դարձել, որ նրա հետ է եղել իր տղան՝ 26-ամյա Արսենը: Այն ժամանակ, երբ մայրը անցնելիս է եղել երկաթգծի վրայով, տղան նկատել է, որ մոտենում է շոգեքարշը և բղավել է, որ կանգնի կամ շտապ անցնի այն, սակայն շոգեքարշը հարվածել է մորը և անցել վրայով՝ մարմինը բաժանելով երկու մասի:

Շոգեքարշը վարել է Սանահին կայարանի մեքենավար 52-ամյա Սամվել Լալայանը, իսկ նրա հետ է եղել նրա օգնականը՝ Կարեն Թամազյանը: Շոգեքարշը Այրում կայարանից դեպի Սանահին կայարան էր մեկնում:

Գ. Շամշյանը հայտնում է, որ Ն. Աբրամովայի ընտանիքը Բաքվից եկած փախստականների ընտանիք էր, և նրանք բնակվում էին Մեծ Այրումում:

Փաստի առթիվ Ոստիկանության քննչական գլխավոր վարչության Լոռու մարզի քննչական բաժնի Թումանյանի քննչական բաժանմունքում հարուցվել է քրեական գործ ՀՀ Քր. Օր.-ի 241 հոդվածի 2-րդ մասի (երկաթուղային, օդային կամ ջրային տրանսպորտի երթևեկության անվտանգության կանոնները խախտելը, որն անզգուշությամբ առաջացրել է մարդու մահ) հատկանիշներով:

 
Դիտել են 95 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:

Համանման նյութեր:

 

Այստեղ դուք կարող եք թողնել մեկնաբանություն

Մուտք, որպեսզի կարողանաք թողնել մեկնաբանություն.

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info