ՀՊՃՀ-ում գրկաբաց ընդունեցին առաջին կուրսեցիներին

Նոր ուսումնական տարին Հայաստանի պետական ճարտարագիտական համալսարանում (Պոլիտեխնիկ) սկսվեց ճարտարագիտական համալսարանի ղեկավարության, պրոֆեսորադասախոսական անձնակազմի և ուսանողության ներկայացուցիչների ու առաջին կուրսեցիների ավանդական հանդիպմամբ:
Հանդիպումը սկսվեց ՀՀ և ՀՊՃՀ օրհներգերի կատարմամբ: Միջոցառմանը մասնակցելու և ՀՊՃՀ Կառավարման խորհրդի անունից նորաթուխ պոլիտեխնիկցիներին շնորհավորելու էր եկել նաև ՀՊՃՀ Խորհրդի նախագահ Սամվել Նիկոյանը: “Սկսած եգիպտական բուրգերից մինչ գերժամանակակից համակարգչային աշխարհ, համոզվում ենք, որ հենց ինժեներական միտքն է ընկած մարդկության քաղաքակրթության զարգացման հիմքում: Ուստի ողջունելով ճարտարագիտական մասնագիտություն ընտրելու ձեր ցանկությունը` վստահեցնում եմ, որ դուք ընտրել եք աշխարհի ամենահեղինակավոր կրթությունը”,-ասաց Ս. Նիկոյանը:
ՀՊՃՀ ռեկտոր, պրոֆեսոր Արա Ավետիսյանը, շնորհավորելով ներկաներին նոր ուսումնական տարվա և պոլիտեխնիկական մեծ ընտանիքին միանալու կապակցությամբ, հորդորեց լինել հավակնոտ ու պահանջատեր ուսման և գիտելիքի հանդեպ, քանզի այդ ճանապարհով կհզորանա մեր հայրենիքը:
Հանդիպմանը ներկա էին նաև ՀՊՃՀ պրոռեկտորները, ովքեր ներկայացրին ՀՊՃՀ-ում ուսումնական գործընթացի կազմակերպման առաձնահատկությունները, համալսարանում գործող զեղչերի ճկուն համակարգը, արտերկրում ուսանողների շարժունության ծրագրերը, ՀՊՃՀ-ում իրականացվող հսկայածավալ հետազոտական ծրագրերը և այլն:
ՀՊՃՀ գիտության և գիտատեխնոլոգիական համագործակցության գծով պրոռեկտոր Արեգ Գրիգորյանը, շնորհավորելով առաջին կուրսեցիներին, հույս հայտնեց, որ ներկաներից ոմանք տարիներ անց այս նույն դահլիճում կողջունեն նոր ընդունվածներին և կասեն. “Բարով եք եկել Հայաստանի պետական ճարտարագիտական համալսարան”:
Տոնական հանդիպումը շարունակվեց ՀՊՃՀ ֆակուլտետներում:

 
Դիտել են 61 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:

Համանման նյութեր:

 

Այստեղ դուք կարող եք թողնել մեկնաբանություն

Մուտք, որպեսզի կարողանաք թողնել մեկնաբանություն.

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info