Ֆեյսբուքյան դրամահավաք՝ «9-րդ ալիք»-ը գնելու նպատակով

928C6D3D-A3CE-4BF1-BFC3-D5EB09FB294C_w640_r1_sՎրաստանի բնակիչները Ֆեյսբուքում դրամահավաք են սկսում` նպատակ ունենալով վարչապետ Բիձինա Իվանիշվիլիից գնել նրա ընտանիքին պատկանող «9-րդ ալիք» հեռուստաընկերությունը:

Հիշեցնենք՝ Վրաստանի վարչապետը շաբաթասկզբին հայտարարեց, որ ցանկանում է վաճառել իրեն պատկանող «9-րդ ալիք»-ն ու «Ինֆո 9» լրատվական գործակալությունը` չցանկանալով հոկտեմբերին կայանալիք նախագահական ընտրություններից առաջ «ջերմոցային պայմաններ ստեղծել իշխանության թեկնածուի համար»:

Իվանիշվիլին նաև նշել էր, որ թեև իր լրատվական ակտիվները վաճառում է ինքնարժեքից` մոտ 30 միլիոն դոլարից եռապատիկ ցածր գնով, այնուհանդերձ մինչ օրս չի կարողացել գնորդ գտնել:

Իմանալով Իվանիշվիլիի այս քայլի մասին` արդեն երեքշաբթի օրը նրա ընտանիքին պատկանող հեռուստաալիքի ողջ անձնակազմը դադարեցրեց աշխատանքը` սոցիալական ցանցերի միջոցով շարքային քաղաքացիներին դիմելով օգնության հուսահատ կոչով:

Դրան հետևած իրադարձությունները բավական անսպասելի էին: Ֆեյսբուքում արագորեն համապատասխան խումբ ի հայտ եկավ, որին մոտ 24 ժամվա ընթացքում շուրջ 3 հազար օգտատեր միացավ: Ավելին, ֆեյսբուքյան այս խումբը արդեն իսկ հասցրել է Իվանիշվիլիին դիմել գործնական նախաձեռնությամբ` 7 միլիոն դոլար առաջարկելով տեխնիկայի վերջին խոսքով հագեցած հեռուստաընկերության համար:

Խմբի համակարգողներից մեկը` «9-րդ ալիք»-ի նախկին փոխտնօրեն Վասիլ Մաղլափերիձեն «Ազատություն» ռադիոկայանի վրացական ծառայությանը տված հարցազրույցում նշում էր․ – «Սա կարող է շատ հետաքրքիր նախադեպ դառնալ, երբ մարդիկ ասում են` մենք իհարկե միլիոնատեր չենք, սակայն ի վիճակի ենք հավաքել պահանջվող գումարն ու այդ հեռուստաընկերությունն ըստ էության դարձնել իսկական հանրային լրատվամիջոց»:

Իսկ Թբիլիսիի համալսարանի սոցիոլոգիայի և քաղաքագիտության ֆակուլտետի պրոֆեսոր, մեդիա փորձագետ Կորնելի Կակաչիայի կարծիքով՝ Իվանիշվիլիի որոշումը նախևառաջ հարկավոր է դիտարկել քաղաքական տարբեր ուղղվածության հեռուստաընկերությունների պայքարի համատեքստում:

«Իմ տպավորությամբ՝ այժմ տեղի է ունենում «Իմեդի» հեռուստաընկերության դիրքերի ուժեղացում: Իվանիշվիլիին պատկանող «9-րդ ալիք»-ը այդպես էլ չկարողացավ իրական հակակշիռ դառնալ [նախագահ Միխեիլ Սաակաշվիլիի կողմնակիցների] «Ռուսթավի 2» հեռուստաընկերությանը: Ի սկզբանե «9-րդ»-ի ստեղծումը հենց «Ռուսթավի»-ին հավասարակշռելու նպատակ էր հետապնդում, ինչը, սակայն, տեղի չունեցավ: Այժմ ահա որոշում է կայացվել հիմնական շեշտը դնել «Իմեդի»-ի դիրքերի ամրապնդման վրա: Գուցե «Իմեդի»-ն կարողանա հակակշռել «Ռուսթավի 2»-ին», – նշում է մեդիա փորձագետը:

Վերջում հիշեցնենք, որ «Իմեդի» հեռուստաընկերությունն այսօր ընդհանուր առմամբ հանդես է գալիս Բիձինա Իվանիշվիլիին աջակցող դիրքերից: «Ռուսթավի 2»-ը, հակառակը, արդեն մեկ տասնամյակից ավելի է չի թաքցնում Սաակաշվիլիի հանդեպ իր համակրանքը: Ավելին, 2003 թվականի «վարդերի հեղափոխության» ընթացքում հենց «Ռուսթավի 2»-ն էր հանդիսանում Միխեիլ Սաակաշվիլիի և նրա զինակիցների թիվ մեկ խոսափողը:

azatutyun.am

 
Դիտել են 87 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:

Համանման նյութեր:

 

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info