Ռուսական Одноклассники սոցիալական ցանցը կկիրառի լուսանկարների վրա պատկերված դեմքերի մեխանիկական ճանաչման գործառույթը, տեղեկացրել է Mail.Ru Group-ը, որին պատկանում է Одноклассники-ն:
Այս գործառույթի մշակմամբ կզբաղվի իսրայելական Face.com ընկերությունը, որն ավելի վաղ հայտնել էր Facebook-ի հետ համագործակցելու մասին:
Այդպիսի գործառույթ Facebook-ը ներդրել էր դեռևս մայիսին: Ծրագիրը բացահայտում է սոցիալական կայք ներբեռնված լուսանկարում պատկերված մարդկանց դեմքերը և թույլ է տալիս դրանց վրա կատարել նշումներ: Այժմ օգտատերերը միայն մեկ անգամ կարող են նշել ընկերոջը լուսանկարում, որից հետո այլ լուսանկարներում նա արդեն մեխանիկորեն կնշվի:
Ավելի ուշ ԱՄՆ իշխանությունը հայտնել է իր անհանգստությունը, որ այդ գործառույթը կարող է խախտել անձի անձնական կյանքի անձեռնմխելիության իրավունքը:
Ինչպես հայտնել է Mail.Ru Group-ը, այս գործառույթը չի աշխատի օգտատերերի պաշտպանված ալբոմներում, բացի այդ, յուրաքանչյուր օգտատեր կկարողանա արգելել դրա կիրառումը` իր տվյալները պաշտպանելու համար:
