Հայաստանը կմասնակցի ԱՄՆ-ում անցկացվող գրքերի գլխավոր տոնավաճառին

1112Հայաստանը կմասնակցի հյուսիսամերիկյան հրատարակչական գործի գլխավոր միջոցառմանը՝ «Book Expo America» գրքի տոնավաճառին: Այս մասին գրում է «Asbarez» պարբերականը:

Տոնավաճառը անգլալեզու հրատարակությունների մեծ ընտրություն է առաջարկում: Դա ամենախոշոր միջոցառումն է Հյուսիսային Ամերիկայի գրավաճառների, գրադարանավարների, գրատպության ոլորտի մասնագետների համար: Այս տարի «Book Expo America»-ի ընթացքում ավելի քան 2.000 ցուցանմուշ, 500 հեղինակ եւ 60 համաժողով է սպասվում:

Հայկական տաղավարում գրքերի եւ հրապարակումների օգնությամբ կներկայացվի հայկական մշակույթն ու ժառանգությունը: Կցուցադրվեն վերջին շրջանում Հայաստանում եւ արտերկրում տպագրված գրքեր: Միջոցառմանը կմասնակցեն նաեւ հրատարակիչներ եւ գրավաճառներ Հայաստանից:

Մեծ ուշադրություն կդարձվի ամբողջ աշխարհում հրատարակված Հայոց ցեղասպանության մասին գրքերին: Գրքերի տոնավաճառում հայկական տաղավարի կբացվի մայիսի 27-ին:

Բացման ժամանակ գրքերի շնորհանդեսներ եւ ընթերցանություն է նախանշված, որին կմասնակցեն Մեթյու Կարանյանը, Սկաուտ Տուֆանկջյանը, Աննա Աստվածատուրյան-Թերքոթը, Դանա Ուոլրաթը, Նենսի Գրիգորյանը, Մարիան Մեսրոպյան-Մաքքերդին եւ Սոնա Վանը: Գրքի ցուցահանդես կայցելի նաեւ ԱՄՆ-ում Հայաստանի դեսպան Տիգրան Սարգսյանը:

 
Դիտել են 427 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:
loading...

Համանման նյութեր:

 

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info