Արտակարգ ու ողբերգական դեպք Թալիշ գյուղի տարածքում. ազերիների անօդաչու սարքը ռմբակոծել է քաղաքացիներին. կա 7 զոհ և մեծ թվով վիրավորներ.shamshyan.com

Ինչպես Արցախից հայտնում է ֆոտոլրագրող Գագիկ Շամշյանը, այսօր` ապրիլի 4-ին, Ստեփանակերտից Թալիշ մեկնելու ճանապարհին` Թալիշի վարչական տարածքում, դաշտամիջյան տարածքում ազերի բաշիբոզուկների կողմից օգտագործվել է անօդաչու սարք, որով ռմբակոծվել են դաշտում գտնվող քաղաքացիներ: Ֆոտոլրագրողը հայտնում է, որ ռմբակոծման հետևանքով մահացել են 7 հոգի, որից 6-ը Սիսիանից են, իսկ մեկը Կապանից: Կա 7-ից ավելի վիրավորներ: Մահացածներն ու վիրավորները Սիսիանի կամավորական ջոկատներից էին և մեկնում էին Թալիշի պաշտպանական դիրքեր: Մահացածներից 2-ը գյուղապետեր են: Ֆոտոլրագրողի տեղեկություններով` նրանցից մեկը Դարբասի գյուղապետ, 56-ամյա Մայիս Միրզոյանն էր, մյուսը` Ախլաթյան գյուղի գյուղապետ Արմեն Բեգլարյանն էր: Խմբի անդամներից «Աշոտ Երկաթ» մականվամբ Աշոտ Մինասյանը կարողացել է վնասազերծել անօդաչու սարքը և ըստ տեղեկությունների` մահացածներն ու վիրավորները «Աշոտ Երկաթ» խմբից էին: Թալիշ է ժամանել անձամբ Սյունիքի մարզպետ Սուրեն Խաչատրյանը, ով տեղում Արցախի պաշտպանության բանակի և Արցախի կառավարության անդամների հետ աշխատանքներ են տանում դիերը դիահերձարան տեղափոխելու, վիրավորներին հիվանդանոցներ հասցնելու ուղղությամբ: Այսօր ավելի վաղ ֆոտոլրագրողը հայտնել էր, որ Մարտակերտի ուղղությամբ մեծ թվով շտապօգնության ավտոմեքենաներ են ժամանում, պարզվեց, որ նրանք ժամանում էին Թալիշ` նշված դեպքի վայր: Արցախի կառավարությունը պարզում է մահացածների և վիրավորների ինքնությունը: © shamshyan.com http://shamshyan.com/hy/article/2016/04/04/81510/

 
Դիտել են 1303 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:

Համանման նյութեր:

 

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info