Թուրքիա մուտք գործելիս ձերբակալվել է թուրքական Hurriyet թերթի` Նյու Յորքի թղթակիցը

1466506645-021
Թուրքիա մուտք գործելիս Աթաթուրքի անվան օդանավակայանում ձերբակալվել է թուրքական Hurriyet առաջատար թերթի` Նյու Յորքի թղթակից և ներկայացուցիչ Ռազի Ջանիքլիգիլը. տեղենակցնում է Ermenihaber-ը:

Ըստ թուրքական Zaman թերթի կայքի` հայտնի լրագրողն ընտանիքի հետ Ստամբուլ էր եկել` արձակուրդն անցկացնելու: Նշվում է, որ Ջանիքլիգիլի ձերբակալությունը, ամենայն հավանականությամբ, կապված է սոցցանցերում վերջինիս կատարած գրառումների և ակտիվ գործունեության հետ:

Լրագրողը վերջին շրջանում հաճախակի է գրառումներ կատարել թուրք մեծահարուստ Ռեզա Զարրաբի` ԱՄՆ-ում շարունակվող դատավարության վերաբերյալ:

Նշենք, որ 2013 թվականի դեկտեմբերի 17-ին երկրում պայթած կոռուպցիոն սկանդալի արդյունքում ձերբակալվելուց և մի քանի ամիս հետո ազատ արձակվելուց հետո Ռեզա Զարրաբը հեռացել էր Թուրքիայից: Մամուլում շրջանառվող լուրերի համաձայն` Զարրաբը համատեղ բիզնես ծրագրեր է իրականացրել Թուրքիայի նախագահ Ռեջեփ Թայիփ Էրդողանի ընտանիքի անդամների հետ:

Աղբյուրը ավելացրել է նաև, որ երկրում մամուլի ազատության վիճակը չափազանց մտահոգիչ է` հիշեցնելով, որ մամուլի ազատության ցուցանիշով Թուրքիան զբաղեցնում է 151-րդ տեղը` 180 երկրների շարքում:

Թուրքիայի նախագահ Ռեջեփ Էրդողանը գրեթե ամեն օր քննադատվում է մամուլի վրա գործադրվող ճնշումների համար այնպիսի երկրների ու կազմակերպությունների ղեկավարների կողմից, ինչպիսիք են Եվրամիությունը, ԱՄՆ-ը, «Լրագրողներ առանց սահմանների» կազմակերպությունը:

Թուրքական մամուլում հայտնված նոր տեղեկությունների համաձայն` ժամեր առաջ դատախազությունում ցուցմունք տալուց հետո Ջանիքլիգիլը բաց է թողնվել:

Լրագրողի ձերբակալության փաստի առնչությամբ քննադատական հայտարարություն է տարածել ՄԱԿ-ի Լրագրողների միությունը (UNCA): «Այսօր Ստամբուլում ձերբակալվել է թուրքական մեդիադաշտում գործող Hürriyet թերթի լրագրողը սոցցանցերում թուրք պաշտոնյաների վերաբերյալ արած գրառումների պատճառով: UNCA –ն այս իրողությունը մամուլի ազատության մտահոգիչ ոտնահարում է համարում»,- ասված է հայտարարության մեջ:

 
Դիտել են 436 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:
loading...

Համանման նյութեր:

 

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info