Կրկնակի վթար «Զվարթնոց» հյուրանոցային համալիրի մոտ (ֆոտո)

Այսօր՝ փետրվարի 29-ին, ժամը 20.00-ի սահմաններում Երևան–Արմավիր ավտոճանապարհի 16-րդ կմ–ի հատվածում՝ «Զվարթնոց» հյուրանոցային համալիրի դիմաց իրար են բախվել Էջմիածին քաղաքի բնակիչներ 35-ամյա Գևորգ Մանուկյանի վարած «ԲՄՎ 525» մակնիշի 31 ՕԼ 009 համարանիշի և 36-ամյա Վարդան Մարտիրոսյանի վարած «ՎԱԶ 2101» մակնիշի 12 ՏՏ 302 համարանիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, դեպքի վայրում հավաքվածները ֆոտոլրագրողին պատմել են, որ մինչ ճանապարհային ոստիկանության աշխատակիցներն ու քաղաքացիները վթարի ենթարկված ավտոմեքենաների միջից դուրս կբերեին ուղևորներին, Էջմիածնից դեպի Երևան ընթանալիս Էջմիածնի բնակիչ, 30-ամյա Արմեն Վարդանյանի վարած «ՎԱԶ 2107» մակնիշի 61 ՏP 111 համարանիշի ավտոմեքենան բախվել է վթարի ենթարկված «ԲՄՎ 525»-ին։

Հավաքվածները նաև պատմել են, որ ՃՈ աշխատակիցների ավտոմեքենայի լուսարձակող սարքը միացված չի եղել, և միայն վթարից հետո են միացրել, մինչդեռ հավաքվածների մի մասն էլ պնդում էր, որ լուսարձակող սարքը եղել է միացրած և ՃՈ–ն օգնություն էր ցուցաբերում քաղաքացիներին։

Դեպքի վայրում էին ճանապարհային ոստիկանության 2-րդ սպայական գումարտակի 1-ին վաշտի 1-ին դասակի աշխատակիցները՝ հրամանատար Գրիգոր Գրիգորյանի և հետաքննիչ Մհեր Հակոբյանի գլխավորությամբ։ ժամանել է նաև ոստիկանության Էջմիածնի բաժնի հերթապահ խումբը։ Բարեբախտաբար, զոհեր և վիրավորներ չկան, սակայն քանի որ վարորդները վիճաբանում էին, թե ով է վթարի հիմնական մեղավորը, այդ հանգամանքից ելնելով՝ հետաքննիչ Մ. Հակոբյանի հանձնարարականով ավտոմեքենաները տեղափոխվում են ոստիկանության Էջմիածնի բաժնի տուգանային հրապարակ։
[oqeygallery id=80]

 
Դիտել են 62 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:
loading...

Համանման նյութեր:

 

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info