«Խոշոր հրդեհ» «Անի» հյուրանոցում. փրկարարները ժամանակին տարահանել են ներսում գտնվողներին

Այսօր՝ մարտի 1-ին, ՀՀ Արտակարգ իրավիճակների նախարարության փրկարար ծառայության Երևանի փրկարար վարչության ողջ անձնակազմն սկսել է ուսումնավարժությունների շարք։ Առաջին ուսումնավարժությունն սկսվել է «Անի պլազա» հյուրանոցային համալիրից։

Ինչպես ուսումնավարժության վայրից հայտնում է ֆոտոլրագրող Գագիկ Շամշյանը, ԱԻՆ–ի ճգնաժային կենտրոն ահազանգ է ստացվել այն մասին, որ «Անի» հյուրանոցում խոշոր հրդեհ է առաջացել և անհրաժեշտ է փրկարարների օգնությունը։

Կարճ ժամանակում հրշեջ–փրկարարները ժամանում են հրդեհի վայր և սկսում փրկարարական աշխատանքներ կատարել։ Այդ ընթացքում ժամանում են նաև 1-03 ծառայության և ճանապարհային ոստիկանության խմբերը։ Փրկարարները հատուկ տեխնիկայի և ճոպանների միջոցով հյուրանցից դուրս են բերում վիրավոր քաղաքացիներին, ովքեր ոչ միայն ստանում են առաջին բուժօգնություն բժշկական անձնակազմի կողմից, այլ նաև ավելի լուրջ վնասվածքներ ստացածները տեղափոխվում են հիվանդանոցներ։

Ուսումնավարժության վայրում են գտնվում Երևանի ճանապարհային ոստիկանության ողջ անձնակազմը՝ Երևանի ՃՈ պետ Եղիշ Ենգիբարյանի գլխավորությամբ, Երևանի քաղաքապետարանի առողջապահության վարչության անձնակազմը՝ վարչության պետ Արմեն Ուլիխանյանի գլխավորությամբ, քաղաքապետի տեղակալ Վանո Վարդանյանը, Արտակարգ իրավիճակների նախարարության պարամետիկների խումբը, ԱԻՆ–ից մեծ թվով փրկարարներ, ինչպես նաև հրդեհաշիջման շտաբի անձնակազմը։ Քանի որ, հնարավոր է՝ հյուրանոցում բնակվելիս լինեն նաև արտասահմանյան երկրների քաղաքացիներ, դեպքի վայր է ժամանել նաև Ազգային անվտանգության ծառայության ներկայացուցիչը։ Ուսումնավարժությունն ավարտվեց բարեհաջող, և այս ողջ աշխատանքը ղեկավարում էր Երևանի փրկարարական վարչության պետ, գնդապետ Մուշեղ Ղազարյանը։

Ցուցադրման վայրում հավաքված քաղաքացիները ֆոտոլրագրողի հետ զրույցում կես–կատակ, կես–լուրջ պատմում էին՝ «Այ ախպեր, որ սենց փորձանքների մեջ ընկնենք, ապահով կլնենք. ժամանակին փրկարարները մեզ կհասցնեն բժիշկներին։ Տա՛ Աստված, որ նման դեպքեր չլինեն»։

Ի դեպ, ուսումնավարժություններն այսօր շարունակվելու են «Սլավոնական» համալսարանում և «Շանթ» հեռուստաընկերությունում, իսկ այսօր և վաղը Երևանի վարչական շրջաններում 40-ից ավելի նման բնույթի միջոցառումներ են կատարվելու։
Լուսանկարները՝ Գագիկ Շամշյանի
[oqeygallery id=82]

 
Դիտել են 45 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:

Համանման նյութեր:

 

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info