Ավտովթար Արմավիրի մարզում. կան զոհեր(ֆոտո)

Այսօր՝ մարտի 1-ին, ավտովթար է տեղի ունեցել Արմավիրի մարզում։

Ինչպես դեպքի վայրից հայտնում է ֆոտոլրագրող Գագիկ Շամշյանը, ժամը 12.30-ի սահմաններում «Մերսեդես» մակնիշի 31 ՕՍ 021 համարանիշի ավտոմեքենայի վարորդը Արաքս–Արմավիր ավտոճանապարհի 5-րդ կմ–ի հատվածում՝ Սարդարապատ գյուղ չհասած, բախվել է «ՎԱԶ 2106» մակնիշի 28 ՍՏ 275 համարանիշի ավտոմեքենային։

Վթարի հետևանքով «Մերսեդես»–ի վարորդն ու ուղևորներից 1 հոգի մարմնական վնասվածքներով տեղափոխվել են Արմավիրի բժշկական կենտրոն, իսկ «Մերսեդես»–ի ուղևորուհիներից մեկը տեղում մահացել է։

Դեպքի վայրում հավաքվածները ֆոտոլրագրողին պատմել են, որ «ՎԱԶ 2106»-ը տեխնիկական խնդիրներ է ունեցել ավտոմեքենայի հետ կապված և երբ վարորդը կարգավորելիս է եղել ավտոմեքենան, «Մերսեդես»–ը բախվել է «ՎԱԶ 2106»-ին։

Այս պահին ժամանել են ճանապարհային ոստիկանության 2-րդ սպայական գումարտակի 1-ին վաշտի աշխատակիցները՝ հրամանատար Յուրիկ Հովհաննիսյանի գլխավորությամբ։ Տեղում են նաև ոստիկանության քննչական գլխավոր վարչության Արմավիրի մարզի քննչական բաժնի քննիչն ու փորձագետը։ Այս պահին ոստիկանությունը փորձում է պարզել մահացածի, վիրավորների ու վարորդների ինքնությունը։

Քիչ առաջ ֆոտոլրագրողը հայտնեց, որ հիվանդանոցում մահացավ նաև «Մերսեդես»–ի վարորդը։
Լուսանկարները՝ Գագիկ Շամշյանի
[oqeygallery id=81]

 
Դիտել են 59 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:

Համանման նյութեր:

 

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info