Արմեն Երիցյանն այցելեց ՎիվաՍել-ՄՏՍ (ֆոտոշարք)

Մարտի 6-ին ՀՀ ԱԻ նախարար Արմեն Երիցյանն այցելեց ՎիվաՍել-ՄՏՍ։ Ընկերության գլխավոր տնօրեն Ռալֆ Յիրիկյանը, ջերմորեն ողջունելով ԱԻ նախարարին, նրա գլխավորած պատվիրակությանը ուղեկցեց ՎիվաՍել-ՄՏՍ-ի տարբեր հարկաբաժիններով, ծանոթացրեց կազմակերպության տեխնիկական հնարավորություններին, աշխատանքի կազմակերպման և անվտանգության ապահովման սկզբունքներին։ Այս մասին ասված է ՀՀ ԱԻՆ պաշտոնական կայքում զետեղված հաղորդագրության մեջ։

ԱԻՆ ներկայացուցիչներին հաճելիորեն զարմացրեց արտակարգ իրավիճակներում անվտանգության ապահովման ուղղությամբ ՎիվաՍել-ՄՏՍ-ի կատարած աշխատանքը։ Շենքն ամբողջությամբ զինված էր հրդեհային պաշտպանության նորագույն և դասական համակարգերով։ Միջանցքներում փակցված էին տարհանման քարտեզներ, իսկ սլաքներով ցուցանակներն աշխատակիցներին հուշում էին շենքից դուրս գալու ապահով ճանապարհները։ Ընկերության գրեթե բոլոր սարքավորումներն ունեն կրկնորդ, որը հիմնական սարքի խափանման դեպքում կարող է ապահովել համակարգի շարունակական աշխատանքը, իսկ բջջային հեռախոսների կայանների վրա տեղադրված են կայծակից պաշտպանության համակարգեր։ Ցանկացած նոր սարքավորում ձեռք բերելիս հաշվի են առնվում նաև շենքային պայմանները, հատակի դիմացկունությունը և այլն։

Այցի ավարտին ԱԻ նախարար Արմեն Երիցյանը նշեց, որ չափազանց տպավորված ու ոգևորված է տեսածով։ «Սա լուրջ խթան է, որպեսզի մենք շարունակենք սովորել ու կատարելագործվել»,- ասաց պարոն Երիցյանը։

Հիշեցնենք, որ այս տարվա փետրվարին ՎիվաՍել-ՄՏՍ-ի գլխավոր տնօրենն այցելել էր արտակարգ իրավիճակների նախարարություն և, բարձր գնահատելով նախարարության առաքելությունը, խոստացել էր ամենայն աջակցություն ցուցաբերել տեղեկատվության կառավարման ոլորտում։
Լուսանկարները` Գագիկ Շամշյանի:
[oqeygallery id=91]

 
Դիտել են 213 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:
loading...

Համանման նյութեր:

 

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info