Գյումրիում 21-ամյա երիտասարդը դանակահարության միջոցով գազանաբար սպանել է 77-ամյա կնոջը

Այսօր՝ հունիսի 18-ին Ոստիկանությունը հայտնաբերել է Գյումրիում 77-ամյա կնոջ սպանությունը իրականացնողին։ Երեկ՝ հունիսի 17-ին, ժամը 21.30-ի սահմաններում, Գյումրիի շատպբուժօգնության կենտրոնից Ոստիկանության Գյումրու բաժին հայտնել են, որ Լալայան փողոցի տնակներից մեկից մարմնական ծանր վնասվածքներով հիվանդանոց են տեղափոխել մեծահասակ մի կնոջ, ով սակայն հիվանդանոցում մահացել է։

Ինչպես Գյումրիից հայտնում է ֆոտոլրագրող գագիկ Շամշյանը, հիվանդանոց մեկնած Ոստիկանության գյումրու բաժնի օպերատիվ–քննչական խումբը պարզել է, որ մահացածը 77-ամյա Ռոզա Խաչատրյանն էր։

Գ. Շամշյանը հայտնում է, որ դատական բժշկի տված եզրակացության համաձայն՝ մահվան պատճառը եղել է այն, որ նրա կրծքավանդակի և որովայնի մասերում եղել են բազմաթիվ վնասվածքներ՝ սուր կտրող–ծակող գործիքի հարվածների հետևանքով։

Այսօր՝ հունիսի 18-ին, ժամը 05.00–ի սահմաններում Ոստիկանության Շիրակի մարզային վարչության և Ոստիկանության Գյումրու բաժնի աշխատակիցները, ձեռնարկելով օպերատիվ–քննչական միջոցառումներ , օպերատիվ տվյալներ են ստանում, որ հունիսի 17-ին ժամը 21.00-ի սահմաններում Լալայան փողոցի 123 տնակի մոտ Գյումրու բնակիչ 21-ամյա Հարություն Հարությունյանը դանակի մի քանի հարվածներ է հասցրել Ռ. Խաչատրյանին։ Լուսաբացին Ոստիկանությունը հայտնաբերում է Հ. Հարությունյանին , ով այս պահին քննիչի որոշմամբ ձերբակալվել է։

Փաստի առթիվ Ոստիկանության քննչական գլխավոր վարչության Շիրակի մարզային քննչական բաժնի Գյումրու քննչական բաժնում հարուցվել է քրեական գործ ՀՀ Քրօրի 104 հոդվածի 1-ին մասի (սպանություն) հատկանիշներով։

 
Դիտել են 31 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:

Համանման նյութեր:

 

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info