Շենգավիթի ոստիկանները հայտնաբերել են առանձնակի դաժանությամբ քրոջը սպանած եղբորը (ֆոտո)

Ոստիկանության Շենգավիթի բաժնի քրեական հետախուզության բաժնի և նույն բաժնի քննչական բաժնի աշխատակիցները հայտնաբերել են երեկ՝ հունիսի 28-ին, Նոր Խարբերդի ամառանոցներից մեկում 50-ամյա Մարգարիտ Հովհաննիսյանին սպանած անձին:

Ինչպես հայտնում է ֆոտոլրագրող Գագիկ Շամշյանը, նշված անձը սպանվածի եղբայրն էր՝ 49-ամյա Ռոման Հովհաննիսյանը: Ոստիկանության Շենգավիթի բաժնի օպերատիվ քննչական խումբը նրան հայտնաբերել է Մալաթիա-Սեբաստիա վարչական շրջանի աշխատակազմի ղեկավարի (թաղապետարան) վարչական շենքի հարևանությամբ գտնվող այգում` գիշերը 00.30-ի սահմաններում:

Քննիչի որոշմամբ Ռ. Հովհաննիսյանը ձերբակալվել և տեղափոխվել Ոստիկանության Երևան քաղաքի վարչության ձերբակալվածների պահման վայր:

Փաստի առթիվ Շենգավիթի քննչական բաժնում հարուցվել է քրեական գործ ՀՀ Քր. Օր.-ի 104 հոդվածի (առանձնակի դաժանությամբ կատարված սպանություն) հատկանիշներով:

Ինչպես երեկ դեպքի վայրից հայտնել էր Գ. Շամշյանը, ժամը 18.30–ի սահմաններում Ոստիկանության Շենգավիթի բաժնում ահազանգ էր ստացվել, որ Նոր Խարբերդի ամառանոցներից մեկում մահացած կնոջ դի կա։ Ավելի ուշ Նոր Խարբերդի 20–րդ փողոցի 18–րդ տուն էին ժամանել Ոստիկանության Շենգավիթի բաժնի օպերատիվ խումբը՝ Շենգավիթի ոստիկանապետ Վահան Մամիկոնյանի գլխավորությամբ։

Օպերատիվ–քննչական խումբը նշված տան հյուրասենյակում հայտնաբերել էր 50-ամյա Մարգարիտ Հովհաննիսյանի դին, որի վրա դատաբժշկի նախնական եզրակացությամբ եղել էր սուր կտրած–ծակած հարվածի 20–ից ավելի հետք` որովայնի, կրծքավանդակի, ձեռքերի և դեմքի հատվածներում։

Դեպքի վայր էին ժամանել Ոստիկանության քննչական գլխավոր վարչության Երևանի քննչական վարչության Շենգավիթի քննչական բաժնի մեծ թվով քննիչներ՝ քննչական բաժնի պետ Մինաս Հակոբյանի գլխավորությամբ։

Քննչ խումբը նշված տան նկուղային հարկում հայտնաբերել էր լուցկու հատիկներից սարքված 34 կիսակառույց բուրգեր, բանտի մահճակալի նմանությամբ սարքած մահճակալ, ինչպես նաև զառեր, թղթախաղի թղթեր և կենդանու ատամներ։ Այդտեղ հայտնաբերվել էր նաև չհրկիզվող մի պահարան, որը միացված է եղել էլեկտրականությանը։

Հարևանները ֆոտոլրագրողին պատմել էին նաև, որ սպանվածի եղբայրը տառապում է հոգեկան հիվանդությամբ և որոշ ժամանակ առաջ բուժում է ստացել հոգեբուժական կենտրոններից մեկում։

Լուսանկարները՝ Գագիկ Շամշյանի

 
Դիտել են 152 անգամ.
Հարգելի՛ ընթերցողներ, ստորև կարող եք գրել մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել այս կանոները՝ արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Կջնջվեն բոլոր այն մեկնաբանությունները որոնք կխախտեն վերոնշված կանոնները: Մաղթում ենք հաճելի քննարկումներ:

Համանման նյութեր:

 

Այստեղ դուք կարող եք թողնել մեկնաբանություն

Մուտք, որպեսզի կարողանաք թողնել մեկնաբանություն.

Կայքում կարող են լինել նյութեր որոնց տարիքային սահամանափակումն է (18+) - See more at: http://aysor.info/am/#sthash.5iXrFpT3.dpuf

Մեջբերումներ անելիս հղումը Aysor.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Aysor.info-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում

Արխիվ

Հետևեք մեզ նաև

Կապ մեզ հետ

Մեր կոնտակները

Հեռ.      

Skype   aysor.info

Էլ.փոստ       info@aysor.info